Сүхбаатар аймгийн наадамд Д.Баяраагийн хээр азарга түрүүллээ

АХ-ын 92, Их Монгол улс байгуулагдсаны 807 жилийн ойн баяр наадам орон даяар эхэлж буй. Хурдны өлгий Сүхбаатар аймгийн наадам  азарганы уралдаанаар эхэлж, 123 хурдан буян тоосоо өргөсөнөөс  Асгат сумын харьяат Дугарын Баяраагийн хээр магнайдаа тоосгүй түрүүллээ. Энэхүү хээр азарга нь хэдхэн хоногийн өмнө Асгат сумынхаа баяр  наадамд айргийн таваар давхиж байсан юм. Аман хүзүүнд Эрдэнэцагаан сумын харьяат Ж.Баттөгсийн шарга хурдалжээ. Шарга азарга хэдхэн хоногийн өмнө  Эрдэнэцагаан сумынхаа наадамд түрүүлсэн билээ. Айргийн гуравт Эрдэнэцагаан сумын харьяат Т.Батхуягийн хээр, айргийн дөрөвт Уулбаян сумын харьяат У.Отгонбаатарын хээр, айргийн тавд Онгон сумын харьяат Ш.Нямын хээр тус туас хурдалжээ. Нямын хээр азарга Их Монгол улс байгуулагдсаны 800 жилийн ойгоор түрүүлж тод магнай торгон жолоогоо өргүүлсэн МУ-ын Алдарт уяач Б.Жаргалсайханы  Даатгал хээр азарганы дүү аж.
А.Энхжил