46 дахь дугаар худалдаанд гарлаа

Зунжин наадам хэсч, хийморь шалгасан уяач, хүлэг хоёрын нуруу тэнийн амсхийх налгархан намрын отгон өдрүүдэд сэтгүүлийн маань  46 дахь дугаар эрхэм та бүхний гар дээр очиж байна.
Могой жилийн хамгийн хийморилог эрхмүүдийн нэг, Завхан аймгийн Яруу сумын уугуул, Монгол улсын Алдарт уяач Дашзэвэгийн Дагвадорж зочны хойморт саатсан шинэхэн дугаар нь мэдээллийн өргөн агууламжтай гэдгээрээ эрхгүй ялгарна. Та  бүхэн шинэхэн дугаараас маань гурван жилдээ нэг болдог, Монголын морины их олимп буюу шигшмэл морьдын “Их хурд-6” уралдаанд түрүүлж, айрагдсан хурдан хүлгэдийн фото зургийг амжилтын буухиан хамт сонирхох боломжтой.
Мөн шинэчилсэн журмын дагуу тусдаа уралдаж, төрийнхөө их баяр цэнгэлд түрүүлж, айрагдсан эрлийз ангиллын хурдан хүлгэдийн фото, уяач, унаач эздийн сэтгэгдлээс хуваалцах таатай боломжийг “Тод магнай”-н шинэ дугаар олгож байгаа.
Түүнчлэн Засгийн газрын тэргүүний ивээл дээр зохион байгуулагдсан “Адуучин” улсын аварга шалгаруулах анхдугаар тэмцээн, алдарт хунгийн чуулган, айрагны баяр харцага Н.Түвшинбаярын мялаалга наадам, 20-р зууны манлай хүлгэдийн өлгий Баянжаргалан нутгийн талаар та бүхэн зөвхөн “Тод магнай”сэтгүүлээс л унших боломжтой.
Мэдээж уламжлалт “Монгол бардамнал” булангийн “Цэц магнай”, “Гарьд магнай” та бүхэнд ээлжит сюрпризээ бэлтгэсэн байгаа.
Товчхондоо энэ удаагийн дугаар морь сонирхдог, моринд дуртай нэгний авах л сэтгүүл болсон шүү.
Сонголтондоо сэтгэл хангалуун байна гэдэгт итгэлтэй байна.
Энэ мэтчилэн тоочоод шүүрс алдам сонирхолтой мэдээллүүдтэй “Тодмагнай” сэтгүүлээ та “Интер” номын салбар дэлгүүрүүдээс болон сонин борлуулах цэгүүдээс худалдан аваарай. Мөн редакцийн 9509-2992, 9405-2992 дугаарт холбогдон авч болно.