Уянгынхан урамтай сайхан барилдав

2013 оны 11 дүгээр сарын 24-ний өдөр Өвөрхангай аймгийн Уянга сумын "Бөхийн өргөө"-ний нээлтэд зориулсан үндэсний бөхийн барилдаан боллоо. Энэхүү барилдаан нь шинэ өргөөнийхөө нээлтийг хийх, шинэ залуу бөхчүүдээ олонд таниулах, ивээн тэтгэгчдийг алдаршуулан сурталчлах зорилготой барилдаан байв. Барилдаанд улсын начин Батмөнхийн Сангисүрэн, аймгийн арслан Алтангэрэлийн Отгонбаатар, Даваадоржийн Болдбаатар, Батсүхийн Батдорж нараар манлайлуулсан улс, аймгийн алдар цолтой хүчит 48 бөх зодоглосноос Өвөрхангай аймгийн Тарагт сумын харьяат, “Их Монголын хүчтэн” дэвжээ, “Макс” группын бөх, улсын начин Б.Сангисүрэн түрүүлж, Баянгол сумын харьяат, “Их Монголын хүчтэн” дэвжээ, “Их Хархорин өргөө” ХХК-ийн бөх, аймгийн арслан Б.Батдорж үзүүрлэн, Булган аймгийн Гурванбулаг сумын харьяат, “Булганхангай” дэвжээ, “Модун хаан” группын бөх, аймгийн арслан А.Отгонбаатар шөвгийн гуравт шалгарав. Шөвгийн зургаад Өвөрхангай аймгийн Баруунбаян-Улаан сумын харьяат, “Их Монголын хүчтэн” дэвжээ, “Бүрэнцутгамал” ХХК-ийн бөх, аймгийн арслан Д.Болдбаатар, Өвөрхангай аймгийн Хужирт сумын харьяат, аймгийн заан Д.Гантогоо, Өвөрхангай аймгийн Уянга сумын харьяат, аймгийн начин Х.Гантулга нар үлджээ. Сүүлийн гурван бөх тойргоор барилджээ. Уянга сумын “Тайлган Шарав” үндэсний бөхийн холбоо санаачлан зохион байгуулсан энэ барилдааны түрүү бөх 1,000,000 төгрөг, үзүүр бөх 700,000, их шөвгийн бөх 300,000 төгрөгийн бай хүртсэн байна.

Хоёрын даваа
1. Б.Сангисүрэн у.н - Бямбадорж з.б
2. А.Отгонбаатар а.а - Мишигдорж з.б
3. Д.Болдбаатар а.а - Энхтүвшин с.н
4. Б.Батдорж а.а - Пүрэвжаргал с.з
5. Д.Гантогоо а.з – Б.Алтанхуяг с.з
6. Д.Дарханбаатар а.з - Р.Цэрэнлхагва с.з Зүүнбаян-Улаан
7. Б.Энхтөр а.з - А.Батнасан с.з Уянга
8. Б.Сосорбурам а.з - С.Даваадорж с.з Нарийнтээл
9. Х.Гантулга а.н - О.Бат-Эрдэнэ с.з Уянга
10. О.Түмэндэмбэрэл а.н - Х.Намсрай с.з Уянга
11. О.Цээбалдовжир а.н - Р.Баярмөнх с.з Баруунбаян-Улаан
12. Г.Гантулга с.з - Г.Орхонбаяр с.з Хархорин

Гурвын даваа
1. Б.Сангисүрэн у.н - Г.Орхонбаяр с.з
2. А.Отгонбаатар а.а -А.Батнасан с.з
3. Д.Болдбаатар а.а - С.Даваадорж с.з
4. Б.Батдорж а.а -О.Цээбалдовжир а.н
5. Д.Гантогоо а.з - О.Түмэндэмбэрэл а.н
6. Д.Дарханбаатар а.з - Х.Гантулга а.н

Дөрвийн даваа
1. Б.Сангисүрэн у.н -Х.Гантулга а.н
2. А.Отгонбаатар а.а - Д.Гантогоо а.з
3. Д.Болдбаатар а.а -Б.Батдорж а.а

Тавын даваа
д/д         нэр              даваа   байр
1 Б.Сангисүрэн  у.н   1 1  2     I
2 А.Отгонбаатар а.а  0  0  0    III
3 Б.Батдорж а.а         0  1  1     II