Сүхбаатарын уяачдын холбоо шилдгүүдээ шалгаруулжээ

Сүхбаатар аймгийн "Жавхлант шарга" МСУХ оны шилдгүүдээ шалгарууллаа. 2013 оны шилдэг уяачаар Эрдэнэцагаан сумын аймгийн Алдарт уяач Эзэнмөнхийн Мөнх-Эрдэнэ (Хурдан халиун азаргаа Хэнтий аймгийн 90 жилийн ой зүүн бүсийн даншигт түрүүлгэж, Дүнжингарав болон “Эрдэнэт хурд” хаврын бүсийн уралдаанд тус тус айрагдуулсан.  Мөн аймгийн аварга хүлэг шалгаруулах Жавхлант шаргын уралдаанд аман хүзүүдүүлсэн). Асгат сумын уяач Баяраагийн Цагаанхүү (Аймгийн наадамд хээр азаргаа түрүүлгэж, Хэнтий аймгийн 90 жилийн ой зүүн бүсийн даншигт аман хүзүүдүүлсэн. Мөн зүүн бүсэд даага айрагдуулсан) нар тус тус шалгарчээ.
Шилдэг азаргаар Асгат сумын Улсын сайн малчин Дугарын Баяраагийн аймагт түрүүлж, зүүн бүсэд аман хүзүүдсэн хээр азарга, шилдэг их насны мориор Уулбаян сумын аймгийн Алдарт уяач Халтарын Аюушжавын саарал морь. Энэхүү саарал морь нь зүүн бүсэд гурвалсан ба Хэнтий аймгийн Биндэр сумын 80 жилийн ой, Дорноговь аймгийн Иххэт сумын 30 жилийн ойд тус, тус түрүүлсэн.
Шилдэг соёолонгоор Дарьганга сумын Баатарын Анхбаярын зүүн бүсэд түрүүлсэн саарал халзан үрээ. Шилдэг хязаалангаар Халзан сумын аймгийн Алдарт уяач Рагчаагийн Ооёогийн аймагт түрүүлж, зүүн бүсэд аман хүзүүдсэн хээр хязаалан. Шилдэг шүдлэнгээр Наран сумын уяач Чулуунсүхийн Энхтайваны бор шүдлэн. Энэхүү бор үрээ нь аймгийн наадам болон аймгийн аварга хүлгийн уралдаанд тус тус аман хүзүүдсэн билээ. Шилдэг даагаар Асгат сумын уяач Баяраагийн Цагаанхүүгийн сумандаа болон зүүн бүсэд айрагдсан зээрд халзан даага тус тус шалгарчээ.
Шилдэг уяачдын холбоогоор Асгат сумын "ЗЭЭРД АДУУН", Халзан сумын "ХАЛЗАНГИЙН ХУРД" тус тус шалгарав. Шилдэг унаач хүүхдээр сум тус бүрээс нэг хүүхэд шалгаруулсан байна.