Улсын шонхор түрүүллээ

Өвлийн улирлын өсвөрийн барилдаанд 2013 оны 12 дугаар сарын 21 буюу өнгөрсөн Бямба гарагт Монгол бөхийн өргөөнд боллоо. Барилдаанд улсын шонхор Б.Лхагвадорж, сумын заан Б.Содном, сумын заан О.Эрдэнэбат, улсын аваргын мөнгөн медальт Д.Эрдэнэтулга, Н.Өсөхбаяр нараар манлайлуулсан 88 бөх барилдсанаас Өвөрхангай аймгийн Нарийнтээл сумын харьяат, Макс груупп, Онцгой байдлын ерөнхий газрын “Аврагч” спорт хорооны бөх, сумын заан, 2012, 2013 оны улсын наадмын өсвөрийн түрүү бөх Батжаргалын Лхагвадорж 7 даван түрүүлж, Хэнтий аймгийн Баян-Адарга сумын харьяат, өнөө жилийн өсвөр үеийн улсын аварга шалгаруулах барилдааны хүрэл медальт, сумын заан Осгондаваагийн Эрдэнэбат үзүүр булаалаа. Их шөвгийг гуравт улсын аварга шалгаруулах барилдаанд мөн амжилттай оролцож байсан Булганы “дүүгүүр” Н.Намнансүрэн шалгарчээ. Мөн шөвгийн зургаад улсын аваргын мөнгөн медальт Говь-Алтайн Төгрөгийн Д.Эрдэнэтулга, ОБЕГ-ийн Аврагч спорт хорооны Б.Түвшинтөгс, Өвөрхангайн Г.Хатанбаатар нар шалгарсан байна.
Гурвын даваа
1. Б.Лхагвадорж с.з - А.Баярмагнай Аварга
2. О.Эрдэнэбат с.з - Н.Өсөхбаяр Хилчин
3. Б.Содном с.з - К.Бауыржан Баян-Өлгий
4. Д.Эрдэнэтулга Аварга - Н.Пүрэвдорж Хилчин
5. Д.Ариунбаатар Аварга - Э.Ананд Аварга
6. Б.Одгэрэл Ховд - М.Хүрэлбаатар Аварга
7. Ц.Нямдаваа ОБЕГ - Н.Даваасүрэн Ховд
8. Г.Хатанбаатар Өвөрхангай - Э.Хишигдаваа Төв
9. Б.Түвшинтөгс ОБЕГ - Ч.Алтангэрэл Аварга
10. М.Өсөхбаяр Өвөрхангай -Б.Даваасүрэн Шонхор
11. Н.Галсандорж Завхан - Н.Намнансүрэн Булган
Дөрвийн даваа
1. Б.Лхагвадорж с.з - гоц мөргөв
2. О.Эрдэнэбат с.з - М.Өсөхбаяр Өвөрхангай
3. Д.Эрдэнэтулга Аварга - Н.Даваасүрэн Ховд
4. Э.Ананд Аварга -  Н.Намнансүрэн Булган
5. Б.Одгэрэл Ховд - Б.Түвшинтөгс ОБЕГ
6. Х.Бауыржан Баян-Өлгий - Г.Хатанбаатар Өвөрхангай
Тавын даваа
1. Б.Лхагвадорж с.з - Г.Хатанбаатар Өвөрхангай
2. О.Эрдэнэбат с.з - Б.Түвшинтөгс ОБЕГ
3. Д.Эрдэнэтулга Аварга - Н.Намнансүрэн Булган
Зургаагийн даваа
1. Б.Лхагвадорж с.з - Н.Намнансүрэн Булган
2. О.Эрдэнэбат с.з - гоц мөргөв
Долоогийн даваа
1. Б.Лхагвадорж с.з - О.Эрдэнэбат с.з

МУИС-ийн оюутан Т.Түмэндэмбэрэл