Увсын барилдаанд Оргихын Хангай түрүүллээ

Увс аймгийн Сагил сумын харьяат, Монгол Улсын харцага Арслангийн Бямбажавын нэрэмжит барилдаан “Разно импекс” ХХК-ийн зааланд боллоо. Барилдаанд а.х.а О.Гантулга, а.а С.Ерөөлт, О.Хангай, Н.Ганзориг нараар манлайлуулсан хүчит бөх зодоглон барилдав.
Барилдааны нэгийн даваанд Баруунтуруун сумын харьяат, МУ-ын начин Б.Эрдэнэбилэгийн хүү, с.з Э.Гансүх а.з Б.Болдбаатарыг, Тэс сумын харьяат, с.з Я.Батболд а.х Б.Бат-Өлзийг тус тус өвдөг шороодуулсан байна.
Хоёрын даваа эхлэнгүүт с.з Э.Гансүх а.х.а О.Гантулгыг тохой сөхөж ард нь гараад давсан бол с.з П.Цэвэгжав а.а Б.Хишигбаатарыг мордоод, с.з Б.Лхагвадорж а.а Ж.Алтаншагайг хонгодож хөөгөөд, с.з Б.Анхбаяр а.а Т.Сүрэнжавыг татаж мордоод тус тус давсан байна. Мөн а.н Ц.Мөнхбаяр а.х Д.Тогтохжаргалыг татаж мордоод, а.х А.Отгонбаатар а.н Т.Аззаяаг шуудагдаж түрээд, а.з Д.Бадамгарав а.н Л.Балдоржийг өргөж мушгиад, а.а Х.Оргилболд а.н Т.Мөнх-Эрдэнийг татаж хавираад, а.а Б.Ганболд, а.а Ц.Чимэддорж нар а.н Ш.Баяржаргал, с.з Б.Цэвээнравдан нарыг тахимдаад, а.а О.Хангай с.з Я.Батболдыг суйлаад, а.а С.Ерөөлт с.з О.Түмэнг наагаад тус тус өвдөг шороодуулсан байна.
Бөхийн барилдааны гурвын даваанд а.а С.Ерөөлт с.з П.Цэвэгжавыг тахимдаад, а.а О.Хангай с.з Б.Анхбаярыг мордоод, а.а Н.Ганзориг с.з Б.Лхагвадоржийг шахаж татаад, а.а Х.Оргилболд а.а Ц.Чимэддоржийг хөлд ороход дагуулж шилдэж татаад, а.а Б.Ганболд с.з Э.Гансүхийг барьц сонгож мордоод, а.а Д.Тамир а.н Ц.Мөнхбаярыг шуудагнаас өхийлдөөд, а.з Д.Бадамгарав а.х А.Отгонбаатарыг шилдэж дараад тус тус давсан бол тунасан хоёрын барилдаанд а.х О.Бундхорол шуудагдсан барьцнаас түрж хөөгөөд давжээ.
Шөвгийн наймд а.а С.Ерөөлт а.х О.Бундхоролыг мордоод, а.а О.Хангай а.з Д.Бадамгаравыг суйлаад, угсруулж мордоод, а.а Х.Оргилболд а.а Н.Ганзоригийг дайрахад дагуулж тонгороод, а.а Б.Ганболд а.а Д.Тамирыг тохоход сөрж тохоод давсан байна.
Их шөвөгт а.а Б.Ганболд а.а С.Ерөөлтийг тахимдаж ард нь гарч мордоод, а.а О.Хангай а.а Х.Оргилболдыг суйлаад тус тус давсан байна.
Үзүүр түрүүний барилдаанд а.а О.Хангай тохой сөхөж хавираад давснаар энэ өдрийн түрүү бөх болсон байна. Мөн а.а Х.Оргилболдод “Уран барилдааны шагнал” гардуулжээ.
Оноолтыг 3-ын даваанаас үзнэ үү.
Гурвын даваа
1. С.Ерөөлт а.а – П.Цэвэгжав с.з
2. О.Хангай а.а – Б.Анхбаяр с.з
3. Н.Ганзориг а.а – Б.Лхагвадорж с.з
4. Ц.Чимэддорж а.а – Х.Оргилболд а.а
5. Б.Ганболд а.а – Э.Гансүх с.з
6. Д.Тамир а.а – Ц.Мөнхбаяр а.н
7. Д.Бадамгарав а.з – А.Отгонбаатар а.х
8. О.Бундхорол а.х – Б.Төмөрбаатар а.х
Дөрвийн даваа
1. С.Ерөөлт а.а – О.Бундхорол а.х
2. О.Хангай а.а – Д.Бадамгарав а.з
3. Н.Ганзориг а.а – Х.Оргилболд а.а
4. Б.Ганболд а.а – Д.Тамир а.а
Тавын даваа
1. С.Ерөөлт а.а – Б.Ганболд а.а
2. О.Хангай а.а – Х.Оргилболд а.а
Зургаагийн даваа
1. О.Хангай а.а – Б.Ганболд а.а

Тэс сумын харьяат, бөх сонирхогч С.Бат-Өлзий