Аймгийн заан Н.Золбоо түрүүллээ

“Их Богд” дэвжээний хоёрдугаар сарын ээлжит барилдаан амжилттай боллоо. Энэ удаагийн барилдааныг Баацагаан сумын Нутгийн зөвлөл ивээн тэтгэж явуулав. Барилдаанд улс, аймаг, сумын цолтой хүчит 64 бөх зодоглож шөвгийн 8 бөхийг тойргоор барилдуулснаас Баянбулаг сумын харьяат, Мөнхийн үсэг групп, “Их Богд” дэвжээний бөх а.з Н.Золбоо 6 даваа авч түрүүллээ. 2 дугаар байрт Хангарьд спорт хороо, “Их Богд” дэвжээний бөх а.а Б.Эрдэнэхүү, 3-р байрт Хилчин спорт хороо, Техник импорт ХК, “Их Богд” дэвжээний бөх а.а Б.Бат-Орших, 4-р байрт Бууцагаан сумын харьяат “Их Богд” дэвжээний бөх у.н Б.Баянжаргал, 5-р байрт Баацагаан сумын харьяат Бай Хөндий Цамхаг ХК-ийн бөх а.х Д.Бямбасүрэн, 6-р байрт Баянговь сумын харьяат а.а Б.Бат-Амгалан, 7-р байрт Заг сумын харьяат а.а Д.Батбаяр, 8-р байрт Баян-Өндөр сумын харьяат а.а М.Отгонням нар шалгарлаа.
Барилдааны үеэр уламжлал ёсоор дараагийн барилдааныг зохион байгуулах Бөмбөгөр сумын Нутгийн зөвлөл, а.з Л.Мөнхбаярт шилжин явах цомыг гардуулж өглөө.
А.а Р.Дамдин энэ удаагийн барилдааныг амжилттай зохион байгуулахад идэвхи санаачилгатай оролцсонд Их Богд дэвжээнээс талархал илэрхийлж, цаашдынх нь ажилд өндөр амжилт хүсэн ерөөе!
Барилдааны үеэр түүний шавь нар болох Төв аймгийн Баянхангай сумын харьяат,у.з Б.Батмөнх, Баянцогт сумын харьяат у.х Ө.Даваабаатар мөн а.а Отгонбаатар, а.а Ганбаатар болон бусад шавь нар нь хүрэлцэн ирж хүндэтгэл үзүүллээ.
Уран барилдааны шагналыг Баянхонгор аймгийн Баацагаан сумын харьяат Хонгорын Шинэ Эрин ХХК-ийн захирал В.Дамдинсүрэн а.з Н.Золбоод, өсөх ирээдүйтэй бөхийн шагналыг Бай Хөндий Цамхаг ХХК-ийн захирал Ч.Баянмөнх өөрийн компанийн бөх а.х Д.Бямбасүрэнд тус тус гардууллаа.
Баацагаан сумын нутгийн зөвлөлөөс Их Богд Дэвжээний бэлтгэл сургуулилт, үйл ажиллагаанд амжилт хүсээд 500 мянган төгрөг хандивлалаа.
Өнөөдрийн барилдааныг амжилттай хамтран зохион байгуулсан Баацагаан сумын Нутгийн зөвлөлийн дарга Д.Чулуунаа, н.Диваачимба, а.а Р.Дамдин болон бусад бүх хүмүүстээ талархаснаа илэрхийлж, ажлын өндөр амжилт хүсэн ерөөе.
Барилдааны дүйз
Гурвын даваа
1. Б.Баянжаргал у.н – Л.Батбаяр с.з
2. М.Отгонням а.а – Ч.Чадраабал с.з
3. Б.Эрдэнэхүү а.а – М.Батбаатар з.б
4. Д.Энхбат а.а – Т.Эрдэнэтуул а.н
5. Давж.Батбаяр а.а- Б.Сүхбаатар а.з
6. Б.Бат-Амгалан а.а – Б.Билэгдэмбэрэл с.з
7. М.Батцэнгэл а.з – Д.Бямбасүрэн а.х
8. Н.Золбоо а.з – Т.Дүүрэнсаран с.з
Тойрогт:
А.з Н.Золбоо 6 даваа
А.а Б.Эрдэнэхүү 5 даваа
А.а Б.Бат-Орших 5 даваа
У.н Б.Баянжаргал 4 даваа
А.х Д.Бямбасүрэн 4 даваа
А.а Б.Бат-Амгалан 3 даваа
А.а Давж.Батбаяр 1 даваа тус тус авчээ.

Мэдээллийг: Их Богд дэвжээ