Аварга Г.Эрхэмбаяр түрүүллээ

МУ-ын заан цолд хүндэтгэл үзүүлэх барилдааныг МҮБХ, Монгол даатгал ХК-тай хамтран зохион байгууллаа. Барилдаанд у.ав Г.Эрхэмбаяр, у.г Д.Рагчаа, у.з М.Өсөхбаяр, Т.Санчир, Ч.Санжаадамба нараар манлайлуулсан хүчит 224 бөх зодоглон барилдлаа.
Бөхийн барилдааны нэгийн даваанд Сэлэнгэ аймгийн Ерөө сумын харьяат, Таванхан дэвжээний бөх с.з О.Болд-Эрдэнэ у.х А.Цацабширыг хөлд нь ороод буцааж зайлаад, Төв аймгийн Эрдэнэсант сумын харьяат, Дүнжингарав дэвжээний бөх с.з М.Тэгшбаяр у.н Б.Насандэлгэрийг дагуулж тонгороод, Өвөрхангай аймгийн Бүрд сумын харьяат с.з Г.Цэнддорж у.н Ц.Одбаярыг тахимдаад дайрахад дагуулж хавираад, с.з П.Өсөхбаатар а.а Г.Батнямыг хонгодож түрээд давлаа. Мөн с.з Э.Даш, Б.Баянмөнх нар а.а Б.Хадбаатар, Л.Нямбаяр нараар давав.
Хоёрын даваанд а.н Ж.Цэрэндаваа у.з Б.Соронзонболдын хөлд орсон ч заан гэдрэг дарж сунгаад, а.н Ц.Мөнхбаяр у.ө.и.н И.Ёндонсамбууг сугадаж хавираад, у.н Р.Пүрэвдагва а.н Х.Гантулгыг дагуулж мушгиад, а.а  А.Отгонбаатар а.н.н Н.Энхжаргалыг шахаж татаад, а.х Б.Төмөрбаатар а.а Б.Батхуягийг тахимдаж дайраад, а.х Ч.Бүрэнзэвсэг а.а Б.Бат-Эрдэнийг бусгаха дагаж мордоод, а.х О.Бундхорол а.а Б.Батдоржийг мордоод, а.а Э.Ванданцэрэн а.з Б.Номиндалайг мушгиж тонгороод, а.а Д.Амарсайхан а.з Д.Буянтыг уран гоё дунгуйлдаад тус тус давлаа.
Гурвын даваанд у.ав Г.Эрхэмбаяр а.з Б.Болдбаатарыг гуд татаад, а.х Б.Төмөрбаатар у.х Ө.Бат-Оршихыг гар ачаад, у.х Н.Батсуурь а.з Б.Мөнх-Эрдэнийг барьцгүй хавсраад, у.ө.и.н Ш.Уламбаяр а.а Д.Тамирыг тахимдаад, а.а А.Давааням у.н С.Багахүүг хөмрөөд, а.а А.Отгонбаатар у.н Л.Цэрэнтогтохыг шахаж татахад дагуулж хавираад, а.а О.Хангай у.н Т.Баасанхүүг мордоод, а.х.а Б.Одгэрэл а.х.а О.Гантулгыг өхийлдөж түлхээд тус тус давав.
Дөрвийн оноолтод у.з М.Өсөхбаяр а.а Ж.Алтаншагайг холоос давхар тохоод, а.а А.Давааням у.з Т.Санчирыг шуудагдаж түрээд, а.а О.Хангай у.з Б.Батмөнхийг хавирахад мэдэрч түлхээд, у.х Т.Өсөх-Ирээдүй а.а А.Отгонбаатарыг сугадаж мордоод, у.х А.Бямбажав а.х.а Б.Одгэрэлийг мордоход сөрж мушгиж тонгороод, а.х.а Ч.Батчулуун у.х Г.Алтангэрэлийг бярдаж өргөөд, у.ө.и.н Ж.Отгонбаяр у.н Ч.Цогбаярыг гуд татаад тус тус давлаа. Мөн энэ даваанд у.н Ду.Батбаяр у.н С.Батсуурийг гар таллаад буцааж хавсарч цохиод уран сайхан мэхээр давлаа. Энэ мэх даацтай хийгээд үнэхээр уран боллоо.
Тавын даваанд а.а А.Давааням у.г Д.Рагчааг дагуулж хөмрөөд, у.н Б.Пүрэвсайхан у.з М.Өсөхбаярыг шуудагдаж түрээд, у.з Ч.Санжаадамба у.н Л.Гантулгын баруун хөлийг шүүрч өргөөд, у.х А.Бямбажав у.н Ду.Батбаярыг дагуулж тахимдаад, а.а О.Хангай у.н Р.Пүрэвдагвыг хутгахад дагуулж мушгиад тус тус давлаа.
Зургаагийн даваанд аварга гоцлож, заан Ч.Санжаадамба а.а А.Даваанямыг төвөггүй орхисон бол харцага А.Бямбажав а.х.а Ч.Батчулууныг амлаж Ховдын хоёр залуу тунан барилдлаа. Хурц арслан энэ өдөр аргагүй бяртай байгаагаа харуулж харцагыг сугадаж мушгиад “шидчихэв. Тунасан хоёрын барилдаанд начин баруун талдаа тосгуулж хавирсан боловч а.а тэр чигт нь мушгиад давчихав.
Их шөвөгт аварга а.х.а Ч.Батчулууныг баруун сугадаж буцааж зайлж мушгиад давсан бол тунасан хоёрын барилдаан багагүй маргаан дагууллаа. Аймгийн арслан О.Хангайгийн засуул хоёр бөхийг голлуулахаар барих үед заан баруун талдаа хавсарч давсан бөгөөд а.а тахимаа өгсөнгүй. Хөлийн цэцүүд зөвлөлдөөд ахин барилдуулахаар шийдвэрлэсэн бөгөөд заан эсэргүүцэж а.а О.Хангайд тахимаа өгчихөөд явав. Зарим үзэгч энэ байдлыг эсэргүүцэж бөхийн торгон дэвжээ рүүгээ хоосон саваа нүүлгэж үзэгдлээ.
Үзүүр түрүүнд аварга зүүн хөлөөрөө хашиж мордоод давснаар аварга цол хүртсэнээсээ хойш анхны түрүүгээ хүртлээ, бөхийн өргөөнд.
Оноолтыг гурвын даваанаас үзнэ үү.
Гурвын даваа
1. Г.Эрхэмбаяр у.ав - Б.Болдбаатар а.з
2. Д.Рагчаа у.г – Ч.Бүрэнзэвсэг а.х
3. М.Өсөхбаяр у.з - О.Бундхорол а.х
4. Т.Санчир у.з - Т.Мягмарсүрэн а.а
5. Ч.Санжаадамба у.з -Ц.Мөнхбаяр а.н
6. Б.Батмөнх у.з - Г.Баасандорж а.а
7. Б.Соронзонболд у.з - Ж.Алтаншагай а.а
8. Ө.Бат-Орших у.х - Б.Төмөрбаатар а.х
9. Т.Өсөх-Ирээдүй у.х - Р.Анхбаатар а.з
10. А.Бямбажав у.х - П.Мөнхбат а.а
11. Г.Алтангэрэл у.х -Ц.Нямдорж а.а
12. Н.Батсуурь у.х - Б.Мөнх-Эрдэнэ а.з
13. Ш.Уламбаяр у.ө.и.н - Д.Тамир а.а
14. Ж.Отгонбаяр у.ө.и.н - Б.Хаш-Эрдэнэ а.а
15. Ш.Жаргалсайхан у.ө.и.н -Н.Эрдэнэчулуун а.а
16. Н.Бүрэнбаатар у.н - Ш.Дарханбат а.а
17. Ду.Батбаяр у.н - Д.Амарсайхан а.а
18. Л.Гантулга у.н - Н.Золбоо а.з
19. Н.Батзаяа у.н - С.Ерөөлт а.а
20. С.Багахүү у.н - А.Давааням а.а
21. С.Батсуурь у.н - А.Алтанхуяг а.х.а
22. Ч.Цогбаяр у.н - Ш.Мөнгөнбаатар а.х.а
23. Р.Пүрэвдагва у.н - М.Еркебулан а.а
24. Б.Пүрэвсайхан у.н - Э.Ванданцэрэн а.а
25. Л.Цэрэнтогтох у.н - А.Отгонбаатар а.а
26. Т.Баасанхүү у.н - О.Хангай а.а
27. Ч.Батчулуун а.х.а - Ц.Чимэддорж а.а
28. Б.Одгэрэл а.х.а - О.Гантулга а.х.а
Дөрвийн даваа
1. Г.Эрхэмбаяр у.ав - Б.Төмөрбаатар а.х
2. Д.Рагчаа у.г - Н.Эрдэнэчулуун а.а
3. М.Өсөхбаяр у.з - Ж.Алтаншагай а.а
4. Т.Санчир у.з - А.Давааням а.а
5. Ч.Санжаадамба у.з - Ш.Дарханбат а.а
6. Б.Батмөнх у.з - О.Хангай а.а
7. Т.Өсөх-Ирээдүй у.х - А.Отгонбаатар а.а
8. А.Бямбажав у.х - Б.Одгэрэл а.х.а
9. Г.Алтангэрэл у.х -Ч.Батчулуун а.х.а
10. Н.Батсуурь у.х - Б.Пүрэвсайхан у.н
11. Ш.Уламбаяр у.ө.и.нн - Р.Пүрэвдагва у.н
12. Ж.Отгонбаяр у.ө.и.н - Ч.Цогбаяр у.н
13. Ду.Батбаяр у.н - С.Батсуурь у.н
14. Л.Гантулга у.н - Н.Батзаяа у.н
Тавын даваа
1. Г.Эрхэмбаяр у.ав - Ж.Отгонбаяр у.ө.и.н
2. Д.Рагчаа у.г - А.Давааням а.а
3. М.Өсөхбаяр у.з - Б.Пүрэвсайхан у.н
4. Ч.Санжаадамба у.н - Л.Гантулга у.н
5. Т.Өсөх-Ирээдүй у.х  -Ч.Батчулуун а.х.а
6. А.Бямбажав у.х - Ду.Батбаяр у.н
7. Р.Пүрэвдагва у.н - О.Хангай а.а
Зургаагийн даваа
1. Г.Эрхэмбаяр у.ав - гоц мөргөв
2. Ч.Санжаадамба у.з - А.Давааням а.а
3. А.Бямбажав у.х - Ч.Батчулуун а.х.а
4. Б.Пүрэвсайхан у.н -О.Хангай а.а
Долоогийн даваа
1. Г.Эрхэмбаяр у.ав - Ч.Батчулуун а.х.а
2. Ч.Санжаадамба у.з - О.Хангай а.а
Наймын даваа
1. Г.Эрхэмбаяр у.ав - О.Хангай а.а

МУИС-ийн оюутан Т.Түмэндэмбэрэл