“Дүнжингаравын хурд-2014” уралдаан зохиогдох эсэх нь тодорхойгүй байна

Гарч буй жилийнхээ  өнгийг шинжин, морьдоо онгойлгодог уламжлалт ”Дүнжингаравын хурд”  хаврын бүсийн уралдаан өнөө жил малын гоц халдварт шүлхий өвчний улмаас тодорхойгүй хугацаагаар хойшлоод байгаа билээ.
Харин сүүлийн үед “Дүнжингаравын хурд-2014” уралдаан 4-р сарын 14 нд болно гэсэн яриа гарч, уяачид морь малаа бэлтгэн, Засгийн газрын тогтоол гарахыг хүлээх боллоо.  Хорио цээрийн дэглэм цуцлаагүй байгаа энэ уралдаан зохион байгуулж болох, цаашлаад Засгийн газраас тогтоолт гаргаж өгөх эсэх талаар ММСУХ-ны удирдлага, тэргүүлэгчдээс тодруулахад: “Шүлхий өвчний байдлыг харж байгаад уламжлалт уралдаанаа зохион байгуулчихъя гэдэг бодол байгаа. Гэхдээ одоогоор ямар нэг тодорхой хугацаа хэлэх боломжгүй” гэсэн юм. Тиймээс 4-р сарын  14-нд “Дүнжингаравын хурд” уралдаан зохион байгуулагдана гэсэн яриа албан бус болж таарах нь .
Бид уралдааны холбогдолтой албан ёсны мэдээллийг хүргэх болно.
А.Мөнх