Наадмын сорилго барилдаан

2007 оноос уламжлан зохиосон “Наадмын сорилго” барилдаан МБӨ-нд 8 дэх жилдээ боллоо. Барилдааныг МҮБХ, “Ард даатгал” ХХК-тай хамтран зохиов.
Барилдаанд у.а До.Ганхуяг, у.г Ж.Бат-Эрдэнэ, у.з Б.Сайнбаяр, Т.Санчир, Б.Батмөнх нараар манлайлуулсан хүчит 224 бөх зодоглов.
Барилдааны нэгийн даваанд Өвөрхангайн Баянголын Н.Даваадорж у.ө.и.н Ц.Лхагвасүрэнг сэжиж дайраад, Өвөрхангайн Нарийнтээлийн З.Баттөмөр а.а Ё.Эрдэнэжаргалыг шахаж татаад, Ховдын Мөнххайрханы Б.Баянмөнх а.а Г.Ганннямыг барьц сонгож баруун хавираад, а.н Ц.Цогт-Эрдэнэ а.а Т.Сүрэнжавыг холоос мушгиад, а.н Ш.Нямсайхан а.з П.Баярхүүг тонгороод, а.х Х.Батбаяр а.н Я.Алтантулгыг сугадаж мушгиад, а.а Г.Түмэнжаргал а.н Т.Юмжаргалыг тумбарайдаж өргөөд, а.а Ц.Чимэддорж с.з Э.Дарханбатыг тавхайлдаж татаад, а.а Н.Адьяабат с.з Т.Баттулгыг суйлаад, а.а Б.Хашбат с.з Ш.Алтангэрэлийг хонгодож цацаад, а.х.а Ш.Мөнгөнбаатар с.з Ч.Мөнхбатад барьц сонгуулсан ч зүүн талдаа муриад, у.н А.Батмөнх с.з Ц.Батжаргалыг хонгодож их дээр цацаад, у.н Д.Цогзолдорж с.з М.Тэгшбаярыг хонгодож дайрахад дагуулж эргээд тэр чигт нь түлхээд тус тус давав.
Хоёрын даваанд у.з Б.Сайнбаяр с.з Б.Түмэндэмбэрэлийг зүүн хутгаж зүтгээд, у. з Б.Батмөнх с.з Д.Бат-Эрдэнийг татаж баруун хавирахад сөрж тавхайлдаад, у.н А.Батмөнх а.н Б.Пүрэвдоржийг сунгаж татаад, а.а Л.Нямбаяр а.х О.Бундхоролыг зүүн хутгаад, а.а А.Давааням а.з Б.Буянмөнхийг барьц сонгож мордоход сөрж голлож дайраад, а.а Н.Жаргалбаяр а.а Б.Хаш-Эрдэнийг зайлаад, ц.х Э.Даш а.х.а Ч.Батчулууныг барьц сонгож хавираад, с.з Б.Баянмөнх у.х Т.Мөнгөнцоожийг баруун хөмрөөд тус тус давав.
Бөхийн барилдааны гурвын даваанд а.н Х.Гантулга а.х.а О.Гантулгыг дагуулж ширвээд, а.н.н Ц.Ганбат а.х.а Ба.Батжаргалыг баруун хутгаад, ц.х Э.Даш а.а Б.Дэлгэрсайханыг зүүн хонгодоод, а.з Б.Болдбаатар а.а Н.Адьяабатыг дагуулж зүүн хавираад, а.а Б.Хишигбаатар а.а Ч.Хөхчирэнгэрийг ард нь гарч өсгийлдөөд, а.а Давж.Батбаяр а.а Н.Эрдэнэчулуунын татаж хавираад, а.а Ц.Чимэддорж а.а Н.Жаргалбаярын баруун хөлийг шүүрээд, а.а Б.Бат-Эрдэнэ а.а Г.Ганжадыг татаж хавираад, а.а Г.Батням у.з Т.Санчирыг зүүн хутгаад,  у.н Р.Пүрэвдагва а.а Б.Уугандавааг хонгодож дайраад, у.н Ц.Одбаяр а.н Т.Сайханжаргалыг гар зөрүүлж тахимдаад, у.н А.Батмөнх а.х Д.Тогтохжаргалыг наагаад тус тус орхив. Мөн а.х.а Ш.Мөнгөнбаатар а.н Б.Энхбатад дархан ташаагаа мэдрүүлэв бололтой их л чимээтэй орхиж харагдлаа.
Оноолтын даваанд у.х Ө.Бат-Орших а.х Б.Бат-Өлзийг зүүн тахимдаад, у.х Н.Батсуурь а.а Б.Хишигбаатарыг зайлж татаад, у.н Ц.Одбаяр а.а Давж.Батбаярыг тойруулж шахаж татаад, у.н Р.Пүрэвдагва а.а Ц.Чимэддоржийг баруун хөлийг нь авахад дагуулж гуядаад, а.а Л.Шинэбаатар а.а Г.Батнямыг шахаж өргөөд, а.а Б.Бат-Эрдэнэ у.н Б.Сугаржаргалыг зүүн сугадаж мушгиад давцгаав.
Тавын даваанд у.а До.Ганхуяг а.а Л.Нямбаярыг таллаж татаад, у.г Ж.Бат-Эрдэнэ а.а Л.Шинэбаатарыг тойруулж шахаж татаад, у.з Б.Батмөнх у.н А.Батмөнхийн ард гараад, у.х Ө.Бат-Орших у.н Ц.Одбаярыг тахимдаад, у.х А.Цацабшир у.н Р.Пүрэвдагвыг дутуу сэжихэд татаад, у.х Ц.Содномдорж у.х Н.Батсуурийг шахаж татаж өргөөд, а.а Б.Бат-Эрдэнэ у.з Б.Сайнбаярыг зүүн хутгахад мэдэрч эргээд давж шөвгөрлөө.
Зургаагийн даваанд арслан гоцлож, у.х Ц.Содномдорж у.г Ж.Бат-Эрдэнийг барьц сонгож өргөөд, у.з Б.Батмөнх а.а Б.Бат-Эрдэнийг дагуулж муриад, ух Ө.Бат-Орших у.х А.Цацабширыг хутгаад давлаа.
Их шөвөгт у.з Б.Батмөнх у.а Д.Ганхуягийг ширвэж татаад, у.х Ц.Содномдорж у.х Ө.Бат-Оршихыг тойгдоод дутуудангуут угсруулж тахимдаад давав.
Ийнхүү наадмын сорилго барилдаанд у.х Ц.Содномдорж түрүүлж, улсын заан Б.Батмөнх үзүүрлэж, у.а Д.Ганхуяг, у.х Ө.Бат-Орших нар их шөвөгт шалгарлаа.
Т.Түмэндэмбэрэл