“Тод магнай” МСУХ-ны тэргүүн Б.Гасрандорж: Нутгийнхаа уяачдын эрх ашгийн төлөө ажиллах нь их хүндэтгэл юм

Улиран одсон 2014 онд шинэчлэгдсэн зохион байгуулалтанд орсон салбар холбоодын нэг нь Дундговь аймгийн Өлзийт сумын МСУХ юм. Тус холбооны ажил үйлс, амжилтаас хуваалцаж тэргүүн Б.Гасрандоржтой ярилцсанаа уншигч танаа хүргэж байна.

Дуу хуурын өлгий Дундговь аймгийн Өлзийт сумын “Тод магнай” МСУХ 2014 оны ажлаа дүгнэн өнгөрсөн 12 дугаар сарын 20-ны өдөр аймгийн төв Мандалговьд хуралдаж, анхны шинэ жилийн цэнгүүнээ зохион байгуулжээ.
Газрын гарц муу, өвөлжөө тааруугаас уяачид, малчид Сайхан-Овоо, Дэлгэрхангай, Дэлгэрцогт, Цагаандэлгэр, Дорноговь аймгийн Даланжаргалан, Өргөн зэрэг суманд отор нүүдэл хийж яваа хэдий ч энэхүү арга хэмжээнд маш идэвхтэй сайн оролцсон байна. Тэд хурлаараа олон асуудлыг шийдсэний дотор холбоогоо хөрөнгийн сантай болгох үүднээс бүх уяачид нэг, нэг үржлийн насны ямаа хандивлах, мөн жил бүр дээд гурван насны уралдааныг зохион байгуулах, жилийн дөрвөн улирлын туршид адуу малаа адгуулж, цаг наргүй хөдөлмөрлөдөг уяачид зөвхөн хурлаа хийгээд тарах бус, шинэ жилийн баяраа уламжлал болгон зохион байгуулах нь зүйтэй хэмээн үзжээ. Тэр ч утгаараа оны шилдгүүдээ тодруулж,
Шилдэг уяачаар: сумын Алдарт уяач П.Эрдэнэчулуун
Шилдэг уралдаанчаар: Э.Одбямба
Шилдэг азаргаар: Аймгийн Алдарт уяач Б.Шатарын цэгээн азарга
Шилдэг их насаар: Сумын Алдарт уяач Л.Отгоннямын хар тус тус шалгарсан байна. Мөн аймгийн Алдарт уяач цолны болзлыг А.Цогбадрах, Ж.Отгонбаатар нар хангасан бол И.Баатар, Н.Ганболд, Ц.Гүндсамба, Т.Мандах, Ш.Нарандорж нарт сумын Алдарт уяач цол гардуулжээ.
Өлзийт сумын уяачдын холбооны тэргүүнээр “Босоо хүлэг” компанийн захирал Б.Гасрандорж ажилладаг бөгөөд энэхүү албыг аваад нэг жил болж байгаа юм. Өнгөрсөн нэг жилийн хугацаанд нэлээдгүй ажил амжуулсны дотор сумын түүхт 90 жилийн ой тохиосонтой холбогдуулан уяачдын хандив тусламжаар улсын наадамд ашигладаг, оюуны өмчөөр баталгаажуулсан, зохиогчийн эрх бүхий гурван сая төгрөгийн морь гарааны төхөөрөмжийг захиалж авсан байна. Үүний хүчинд ойн баярын уралдаанаа будилаан маргаангүй сайхан зохион байгуулжээ. Мөн анх удаа наадмын морины комисст оролцож, удирдан зохион байгуулж, нутгийн удирдлагуудтай хамтран ажилласан байна. Ер нь цаашид уяачид болон холбоо сумынхаа баяр наадмыг зохион байгуулах нь зүйтэй хэмээн үзэж байгаа аж.
Тэрээр 2015 онд олон ажил хийхээр төлөвлөсөн бөгөөд нэн тэргүүнд шинэ залуу уяачдадаа зориулан шинэ цагийн уяа, арга заслын талаар сургалтууд зохион байгуулах бодолтой байгаа гэнэ. Түүнчлэн УИХ-ын гишүүн Б.Наранхүү уяачдын холбоонд эрлийз азарга бэлэглэсэн нь хурдны чиглэлээр адуугаа эрлийзжүүлж, цус сэлбэх боломжийг бүх уяачдад олгосон явдал болжээ.
Б.Гасдандорж тэргүүн хэдийгээр Улаанбаатар хотод ажиллаж, амьдардаг ч төрсөн нутаг орон, уяачдынхаа төлөө моринд дуртай, адууны хийморьт сүсэглэж явдаг эр хүний хувьд сэтгэл зүрхээ зориулан ажиллахдаа сэтгэл ханамжтай, их хүндэтгэл хэмээн ойлгож явдаг нэгэн. Түүний аав, ээж Гасрандоржийг Өлзийт суманд гуравдугаар анги төгсгөөд хотод сургуульд оруулсан ч амралт болонгуут нутагтаа очиж гэртээ ч бараг хонолгүй хөдөө өвөө дээрээ морь уях ажилд нь тусалж, багаасаа л малын захад морь унаж өсчээ.

Дундговь аймгийн Өлзийт сумын аймаг, сумын цолтнууд
Аймгийн Алдарт уяачид:
Дооровын Дашдаваа
Дооровын Дамдинжав
Цэрмаагийн Дондог
Думаагийн Дамбадаржаа
Баавгайн Шатар
Хоролын Даваасамба
Түмэндэлгэрийн Чимэд
Халтарын Бадарчин
Дашдаваагийн  Түмэнжаргал
Дашийн Дэмчигцог
Долгорын Дашжамц
Батсүхийн Наранхүү
Дэмчигцоодолын Эрболд
Шатарын Лхагвасүрэн
Сугирдоржийн Баттулга
Дэмчигцоодолын Эрдэнэбулган
Адьяагийн Цогбадрах
Жамсрангийн Отгонбаатар
Сумын алдарт уяачид:
Нямын Цагаан-Өвгөн
Төмөрийн Равдан
Цэрэнгийн Мөнхбаяр
Лхагвын Лодойсамбуу
Чимэдийн Баяраа
Бархасын Мөгхнасан
Цэдэггомбын Адьяа
Бархасын Баярбаатар
Өвөөгийн Мөнхбат
Дашдаваагийн Чинбат
Думармаагийн Гомбодаржаа
Насангийн Оргилбаяр
Цогтбаатарын Чулуун
Донхорын Сумьяасүрэн
Лхагвасүрэнгийн Гэрэлт-Од
Мөнхбаярын Эрдэнэбаяр
Шаравын Зоригтбаатар
Нэрхүүгийн Гомборагчаа
Доохүүгийн Дагвадорж
Өлзийхутагийн Бат
Цэвээмидийн Батжаргал
Буланхүүгийн Насанхүү
Шатарын Жаргалдорж
Жаалын Хатанбаатар
Насангийн Оргилсайхан
Тунгалагийн Дашбалбар
Пунцагийн Эрдэнэчулуун
Тэрбишийн Доржсэмбэ
Лхагвасүрэнгийн Отгонням
Мөнхтөрийн Адьяа
Дэмчигцогийн Очирданзан
Түмэнжаргалын Ууганбаяр
Ичинхоролын Баатар
Цэдэвийн Гүндсамба
Нацагийн Ганболд
Тогтохын Мандах
Шарын Нарандорж
Нутгийн түмэн болон Монголын нийт мянга мянган уяачдын маань
Хийморь нь, хүлэг морьдынхоо тоосонд бадарч,
Голомт нь, хүсэл мөрөөдлийнхөө буянд бадрах болтугай.
У.Энхмаа