“Нүүрэнтэйн их хурд - 2015” хаврын бүсийн наадмаас...

Багануур Бага Хэнтий Бүсийн морин спорт  уяачдын холбооноос зохион байгуулдаг “Нүүрэнтэйн их хурд 2015” хаврын бүсийн уралдаан 2-р сарын 28-нд боллоо. Энэхүү уралдааныг морин жилд аймгийн Алдарт уяач хэмээх эрхэм цолны эзэд болсон  зураан уяачийн нэрэмжит болгон зохион байгуулсан бөгөөд монгол адуу уралдсанаараа онцлог байлаа. 40.000 төгрөгийн  бүртгэлийн хураамжтай тус уралдааны их насны морьд 18 км, азарга, соёолон 16 км  зам туулан өрсөлдсөн бөгөөд бүртгүүлсэн 45 азарганаас хоёр нь эрлийз гэсэн шалтгаанаар хасагдаж 43 хүлэг гарааны зурхайгаас эргэсэн бол их насанд 57, соёолонд 60 хурдан буян шандас шалгасан юм.
Гурван насны 160 гаруй хурдан хүлэг тоосоо өргөсөн  “Нүүрэнтэйн их хурд-2015” уралдаанд Хэнтий, Сүхбаатар, Төв, Дорнод зэрэг аймгуудын 10 гаруй сум, Улаанбаатар хот, Налайх , Багануур дүүргийн уяачид хамрагдсан байсныг тэмдэглэх нь зүйтэй байхаа.
Уралдааныг морь эргүүлэх тусгай зориулалтын төхөөрөмжийг ашиглан зохион байгуулж, зөвшөөрөлтэй  долоон машин дагаж оролцсон / Манлайлагч даамал, телевиз , хүн эмнэлэг, мал эмнэлэг , комисс / бөгөөд ямар нэгэн будилан зөрчил гараагүйн зэрэгцээ хүүхэд мориноос унаж, бэртэж гэмтсэн тохиол гарсангүй. Ингээд түрүүлж, айрагдсан хурдан хүлгүүдийг танилцуулъя.
Азарга-43
1.Төв аймгийн Мөнгөнморьт сумын уугуул н.Зоригоогийн халиун
2.Төв аймгийн Баяндэлгэр сумын уугуул М.Галсүрэнгийн Янзага зээрд
3.Төв аймгийн Эрдэнэ сумын уугуул Лхагвасүрэнгийн  хул
4.Хэнтий аймгийн Цэнхэрмандал сумын уугуул Ц.Заяабаярын  хар
5. Хэнтий аймгийн Цэнхэрмандал сумын уугуул Ц.Азжаргалын буурал халзан
Их нас-57
Хэнтий аймгийн Цэнхэрмандал сумын уугуул Ц Д.Баярсайханы хул
2. УБ хот, Багануурын дүүргийн харьяат Алтансүхийн хээр
3.Төв аймгийн Мөнгөнморьт сумын уугуул Тэмүүжингийн зээрд халзан
4.Хэнтий аймгийн Цэнхэрмандал сумын уугуул Пүрэвсүрэнгийн зээрд
5. Хэнтий аймгийн Цэнхэрмандал Хүрэлбаатарын хээр алаг
Соёолон-60
1.Хэнтий аймгийн Цэнхэрмандал сумын уугуул Н.Амаржаргалын хонгор
2. УБ хот, Багануурын дүүргийн харьяат Х.Ганбатын сартай хул
3.Төв аймгийн Баян сумын уугуул Бямбабатын хонгор
4. Хэнтий аймгийн Цэнхэрмандал сумын уугуул Ц.Мөнхсайханы бор
5.Төв аймгийн Архуст сумын уугуул С.Эрхэмбаярын ногоон тус тус түрүүлж айрагдлаа.
• Түрүүлсэн морь бүрт нэг сая төгрөг
• 2- р байр 600.000 төгрөг
• 3-р байр 500.000 төгрөг
• 4-р байр 350.000 төгрөг
• 5-р байр 300.000 төгрөг
• 6 -10 т орсон 3 насны морь  тус бүрт 40.000 төгрөгний бай , гэрчилгээг олгов.
Уралдааныг аймгийн Алдарт уяач А. Үржин, Ж.Адьяасүрэн, Ш.Энхбат нар ивээн тэтгэжээ.
ББХБ-ийн МСУХ-ны тэргүүн Ч.Элбэгсайхан