УРИАЛГА: ЭРХЭМ МОНГОЛ УЛСЫН ТОД МАНЛАЙ, МАНЛАЙ, АЛДАРТ УЯАЧИД БОЛОН НИЙТ УЯАЧДАА

УРИАЛГА ЭРХЭМ МОНГОЛ УЛСЫН ТОД МАНЛАЙ, МАНЛАЙ, АЛДАРТ УЯАЧИД БОЛОН НИЙТ УЯАЧДАА,

•Монголын морин спорт, уяачдын холбооны 20 жил, Гиннесийн дэлхийн дээд амжилт тогтоосны 2 жил, Монголын уяачдын өдрийн баяр наадмын хурдан морины уралдаандаа Монголын үндэсний их өв соёлоо дээдлэн хүндэтгэж, Монголын хурдан морины уралдааны Дүрэм, Монгол уяачын тангараг, Монгол эр хүний жудагаа эрхэмлэн оролцох,  
•Монголын морин спорт, уяачдын холбооны эрлийз болон монгол адууг ялгаж уралдуулах бодлого, шийдвэрийг ягштал биелүүлэн “Монгол морьдын уралдаанд эрлийз морьдоо хольж уралдуулахгүй” байж наадамчин олноо  хүндэтгэж, зөв шударга наадах, 
•Монголын уяачид Морьтой Монгол наадамдаа автотээврийн хэрэгслээс татгалзаж, биечлэн үлгэрлэж, морьтойгоо наадаж адуугаа дагасан өв соёл, эдлэл хэрэглэлээ хойч үедээ сурталчилан таниулах, 
•Уралдаанч хүүхдийн аюулгүй байдлыг дээд зэргээр хангаж эмээлийн олом жирэм, угсуураг, жолоо цулбуур зэрэг хэрэглэлийн бат бөх байдлыг сайтар нягтлах, 7-оос дээш насны морь унах дадал, чадварыг эзэмшсэн, гэнэтийн ослийн даатгалд хамруулсан уралдаанч хүүхдэд стандартын шаардлага хангасан хамгаалалтын хувцас хэрэглэлийг заавал өмсүүлэхийг уриалж байна.
Эрхэм уяач та бүхний морь нь хурдан хийморь нь өөдөө байж, мэнд сайхан наадахын өлзийтэй ерөөлийг өргөн дэвшүүлье.

ЗОХИОН БАЙГУУЛАХ КОМИССЫН ДАРГА: П.СЭРГЭЛЭН 
                                                               ГИШҮҮД: Д.ДАГВАДОРЖ 
                                                                                  Х.БАТ-ЭРДЭНЭ
                                                                                  Ш.ЛХАМСҮРЭН
                                                                                  Ц.ТУВААН
                                                                                  Г.БАТТӨМӨР
                                                                                  Ц.БАТСАЙХАН
                                                                                  Ц.БАЯНЖАРГАЛ 
                                                                                  Ц.ГАНХҮҮ
                                                                                  М.МӨНХБАЯСГАЛАН
                                                                                  Л.ЦАГААНДАЛАЙ
                                                                                  Б.ЦЭРЭНБАЛТАВ
                                                                                  Д.ЦЭРЭНЖИГМИД
                                                                                  Б.СОДНОМЦОГ
                                                                                  Д.ТӨМӨРБААТАР 
                                                                                  Я.БОЛДБААТАР  
                                                                                  Ц.ЭНХБАТ 
                                                                                  Ж.БАТТУЛГА
                                                                                  Ч.САРАНГЭРЭЛ  
                                                                                  Б.САРАНХҮҮ 
                                                                                  Ц.ЖАМБАЛСҮРЭН
                                                                                  Ц.ЖАДАМБАА 
                                                                                  Д.ХИШИГЖАРГАЛ
                                                                                  Ө.АЛТАНХУЯГ
                                                                                  С.БАТАА
                                                                                  Л.ГАЛМАНДАХ