“Дүнжингаравын хурд-2017” хаврын бүсийн уралдаанд эхний 10-т хурдалсан соёолонгууд

“Дүнжингаравын хурд” уламжлалт хаврын төвийн бүсийн уралдаанд газар газрын шандаст 149 хурдан соёолон бүртгүүлж, 10 нь үүлдэрлэг байдлаар хасагдан  гарааны зурхайгаас 139 хурдан  хүлэг эргэсэн байна. Соёолонгийн уралдаанд эхний аравт хурдалсан хүлгүүдийн танилцуулъя.
1. Архангай аймгийн Батцэнгэл сумын уугуул, Монгол улсын начин, “Унаган хурд” галын гишүүн Галбадрахын Батбаатарын саарал. Эцэг нь МУ-ын Манлай уяач Б.Буяннэмэхийн хээр азарга, эх нь Тод манлай уяач Д.Одгэрэлийн унаган хонгор гүү. Хонгор гүү Туулай хээрийн төлийнх төл
Амжилтын товчоон: 2016 онд хязааландаа АХ-ын 95 жилийн ой үндэсний их баяр цэнгэл наадамд арав, Орхон аймагт болсон хангайн бүсийн уралдаанд айргийн дөрөв,
2. Төв аймгийн Алтанбулаг сумын уугуул, “Монмасло” ХХК-ны захирал, уяач Дугаржавын Ганзоригийн халтар. Уралдаанч 10 настай Баасанжавын Отгонбилэг
3. Төв аймгийн Дэлгэрхаан сумын уугуул, уяач Нямсүрэнгийн Отгонбаярын хүрэн. Уралдаанч 12 настай Доржийн Бүрэнбаатар
4. Дорноговь аймгийн Улаанбадрах сумын уугуул, Доржпүрэвийн Баярсайханы Ембүү хар. Уралдаанч 13 настай Оюунчимэгийн Баярцогт
5. Төв аймгийн Алтанбулаг сумын уугуул, “Монмасло” ХХК-ны захирал, уяач Дугаржавын Ганзоригийн зээрд. Уралдаанч 10 настай Энхтунгалагийн Энхтөр
6. Завхан аймгийн Тосонцэнгэл сумын уугуул, Манлай уяач Төмөрбаатарын Галбадрахын бор. Эцэг нь Т. Галбадрах Манлайн даага, шүдлэн улсын наадамд 10, 11-ээр давхиж байсан бор азарга, эх нь Сүхбаатар аймгийн Түмэнцогт сумын уугуул, Батбаатарын шарга халзан гүү. Амжилтын товчоон: 2016 онд хязааландаа АХ-ын 95 жилийн ой үндэсний их баяр цэнгэл наадамд аман хүзүү
7. Булган аймгийн Гурванбулаг сумын уугуул, Тод манлай уяач Дамбын Хишигжаргалын хүрэн. Уралдаанч 10 настай Баатархүүгийн Буяннэмэх. Амжилтын товчоон: 2016 онд хязааландаа АХ-ын 95 жилийн ой үндэсний их баяр цэнгэл наадамд арван нэг.
8. Завхан аймгийн Тосонцэнгэл сумын уугуул, уяач Сэрээтэрын Баярсайханы хүрэн халзан. Уралдаанч 10 настай Мөнхбатын Батцоож
9. Ховд аймгийн Чандмань сумын уугуул, уяач Бадамын Махбалын хар. Уралдаанч 11 настай Ганболдыэ Эрдэнэмөнх
10. Дорнод аймгийн Матад сумын уугуул, Улсын Алдарт уяач Бат-Очирийн Цэндбаатарийн хар ногоон. Эцэг нь Дорнод аймгийн Цагаан-Овоо сумын уугуул, Улсын Алдарт уяач Т.Батзоригийн хар азарга, эх нь Дорнод аймгийн Цагаан-Овоо сумын уугуул, Улсын Алдарт уяач Т.Батзоригийн хүрэн цавьдар гүү. Амжилтын товчоон: 2016 онд хязааландаа Дорнод аймгийн Матад сумын Буян уулын тахилга уралдаанд айргийн тав
Д.Гантулга