Эмээлийн шинэ технологи

Барууны үйлдвэржсэн орнуудад амьдарч буй хүмүүсийн 80-90% нь хамгийн багадаа амьдралдаа нэг удаа нурууны өвчнөөр өвчилсөн байдаг гэсэн судалгаа бий. Тэр дотроо морь унадаг хүмүүсийн 23,8% нь морь унаж байхдаа, 55,2% нь морь унасныхаа дараа нуруу өвдлөө гэсэн зовиуртай мэргэжлийнхэнд ханддаг байна. Мэдээж нуруу өвдөх олон шалтгаан бий. Эндээс элдэв саад бартаа, биеийн жингээ буруу хуваарилж суух зэргээс болж нурууны гол тэнхлэгт ачаалал нэмэгддэг. Харин энэхүү эмээл нь буруу байрлалд суухаас сэргийлдэг байна.

Нурууны яс нь эзэн, морь хоёрын хоорондох харилцан үйлчлэлд гол үүрэгтэй. Морины элдэв явдал дунд нурууны яс, булчин, шөрмөсөнд ирэх ачаалал нэмэгддэг. Аарцаг, бүсэлхий, хөл, мөр, хүзүүний булчингуудтай холбогддог нурууны яс нь бүх л хөдөлгөөнд оролцох ба эзнээсээ байнгын зохицуулж байх хөдөлгөөний хяналтыг шаарддаг. Зайлшгүй хийх аарцагны хөдөлгөөнүүд, хөлд ирэх ачаалал, морины хөдөлгөөнд хариу үйлдэл хийх, морин дээр суух байрлал энэ мэтэд булчингуудад ирэх ачааллыг жигд хуваарилах хэрэгтэй болдог. Морины явдлын хэмнэл нь сээр нурууны диск (хавтгай)-үүдийг тэжээдэг даралтын өөрчлөлтийн чухал хэрэгцээг хангадаг.

Эмээлийн хамгийн төгс загвар нь эрүүл, тав тухтайгаар морио унах тохироог бүрдүүлэх явдал юм.

Морин дээр мордож байхдаа нурууны тулгуур ясан дээр ирж байгаа хүч нь ischial яснууд руу голлон таардаг. ischial яснуудын хоорондох зай нь дундажаар эрэгтэйд 9-11 см, эмэгтэйд 10-12см байна. ischial яснууд нь урд талаараа жаахан алсуур умдаг ястай нийлж аарцаг, бүсэлхийн дунд хэсгийг бүтээдэг. ischial яс, умдаг ясны хоорондох зөөлөн эд нь гаднаас ирж байгаа даралтад мэдрэг бөгөөд энэ нь хөндүүрлэх шалтгаан болдог. Хүчийг тараах нь нурууны тулгуур ясыг чөлөөлж өгдөг. Энэ нь даралтаас ирэх үр нөлөөг шингээж, зөөллөдөг гэсэн үг ба буруу юм уу хэт даралтаас үүсэх хөндүүр үүсэхээс сэргийлдэг. Бөөр хэлбэрийн зөөлөвчийн хоорондох хотгор нь хярзан орчмын мэдрэмтгий зөөлөн эдэд үүсэж болзошгүй өндөр даралтыг бууруулдаг учраас их чухал үүрэгтэй.

Ердийн эмээлтэй харьцуулахад Stubben biomex технологи нь морины явдлын үед хөдөлгөөнөөс үүсэх даралтыг багасган зөөлөн эд, умдаг орчмыг маш сайн суллаж өгдөг ажээ. Улмаар ischial-д ирэх даралтыг жигд тарааснаар нурууны ясан дээр ирэх даралтыг бууруулдаг байна.

Хар зууван цагирагийн байрлал нь Ischial яснуудын хоорондох зөөлөн эдийн байрлалыг харуулж байна. Biomex-ийг ашигласан B эмээлийг А эмээлтэй харьцуулахад Ischial яснуудын хоорондох мэдрэмтгий зөөлөн эдэд ирэх даралтыг явдлын үед доод түвшин хүргэж бууруулна.

B эмээл дэх хүрч байгаа газар нь бага гэлтгүй явдлын үед их хэмжээний даралтыг ч бууруулдаг.

Энэ шинэлэг эмээл нь зөөлөн эд болоод нурууг ачааллаас чөлөөлөхөд хамгийн найдвартай техникийн шийдлийг санал болгож байгаа ба морь унахад илүү аятайхан, биед ачаалал бага ирдэг ач холбогдолтой.