Дааганы уралдаанд 217 даага бүртгүүлжээ

Тулгар төрийн 2232 жил, Их Монгол Улсын 817 жил, Үндэсний эрх чөлөө, тусгаар тогтнолоо сэргээн мандуулсны 112 жил, Ардын Хувьсгалын 102 жилийн "Үндэсний их баяр наадмын хурдан морины уралдааны хамгийн бага нас буюу дааган насны морьдын уралдаан эхэллээ. Наадамчин олны өхөөрдлийг төрүүлж, хайрыг татдаг уралдаан бол яах аргагүй даага юм Энэ жил  217 хурдан даага шандсаа сорихоор бүртгүүлсэн байна.

Мэдээж хүн бүхэн дааган насны түрүү магнай айргийн таваас гадна баян ходоодонд орсон даага, түүний унаач хүүхдийг өхөөрдөн хайрлаж “энэ жилийн баян ходоод, ирэх жилийн түрүү магнай” болохыг ерөөдөг. Дааганууд 11 км-ээс хурдалдаг. Юутай ч хэсэг хугацааны дараа хэн гэдэг уяачийн даага түрүү магнай болохыг бид та бүхэнд хүргэх болно.

А.Эрдэнэчимэг