Архангай аймгийн 100 жилийн ой, хангайн бүсийн уралдаанд эхний 20-д хурдалсан азарганууд

Архангай аймгийн 100 жилийн ой, хангайн бүсийн уралдаанд эхний 20-д хурдалсан азаргануудыг танилцууъя.

Азарга-114:

1.Увс аймгийн Зүүнговь сумын уугуул, нийслэлийн Алдарт уяач Далайн Батбаярын Түмт хээр. Эцэг нь Бонибо дуудлагатай араб хээр  халзан азарга. Эх нь Тод манлай уяач Ц.Аюуш агсаны Том хээр азарганы төлийн төл сартай хүрэн гүү. Соёолондоо 2022 онд Дархан-Уул аймгийн 60 жилийн ойд аман хүзүүнд хурдалж, Увс аймгийн Өндөрхангай суманд болсон Ханхөхийн тахилгад түрүүлсэн. 2023 онд Архангай аймгийн 100 жилийн ой болоод Хантайшир уулын аймаг байгуулагдсаны 100 жилийн ойд тус тус түрүүлсэн. Уяа сойлгыг  аймгийн Алдарт уяач Энхтайваны Энх-Амгалан. Уралдаанч 11 настай Энх-Амгалангийн Бүрэнтөгс.

2.Ховд аймгийн Буянт сумын уугуул уяач Эрдэнэ-Очирын Тамирын хул. Завхандоржийн унаган адуу. Уяа сойлгыг Дорнод аймгийн Матад сумын харьяат аймгийн Алдарт уяач Нямдоржийн Одгэрэл. Уралдаанч 12 настай Мягмарын Отгонбаяр.

3.Архангай аймгийн Өгийнуур сумын харьяат Таванжингийн Баясгалангийн Залаат хээр. Дорнод аймгийн Сэргэлэн сумын харьяат аймгийн Алдарт уяач Агааны Батзоригийн унаган адуу. 2018 онд даага Архангай аймгийн баяр наадамд аман хүзүүнд, 2019 онд шүдлэн Архангай аймгийн Эрдэнэмандал суманд болсон шигшмэл хурд уралдаанд айргийн гуравт, 2020 онд хязаалан Архангай аймгийн баяр наадамд аман хүзүү, 2022 онд хавчиг азарга “Хайрхан хурд” уралдаанд аман хүзүү, 2023 онд долоон настай Төвшрүүлэх суманд болсон аймгийн бүсийн уралдаанд түрүү, Хотонт сумын 100 жилийн ойд айргийн гуравт тус тус хурдалсан. Мөн хангайн бүсийн уралдааны дараа  Сэлэнгэ аймгийн Мандал суманд болсон “Спирт Бал Бурам” ХХК-ийн 50 жилийн ойд түрүү магнайд хурдалсан. Уяа сойлгыг Архангай аймгийн Өгийнуур сумын харьяат аймгийн Алдарт уяач Магсаржавын Отгонбат. Уралдаанч есөн настай Бадрахбаатарын Эрхэмбаяр.

4.Хөвсгөл аймгийн Шинэ-Идэр сумын харьяат МУ-ын Алдарт уяач Ц.Чимэдбавуугийн хамар цагаан хонгор. Өөрийн унаган. Уяа сойлгыг Баярсайханы Цолмон. Уралдаанч Батдоржийн Батхүү.

5. Хөвсгөл аймгийн Рашаант сумын уугуул А.Билигүдэйн Чандмань хээр. Эх нь Тогмидын Төрбатын улсад долоолсон хүрэн азарганы төл сартай хүрэн. Эцэг нь Тандер банч дуудлагатай Англи хээр халзан азарга. 2022 онд “Хотгойдын хурд” уралдаанд айргийн гуравт хурдалж байсан. Уяа сойлгыг аймгийн Алдарт уяач Адуучийн Нямбаатар. Уралдаанч Хөвсгөл аймгийн Рашаант сумын харьяат С.Содномдорж.

6.Орхон аймгийн Баян-Өндөр сумын харьяат, аймгийн Алдарт уяач Т.Гантөмөрийн Төгөл хонгор

7. Архангай аймгийн Эрдэнэбулган сумын харьяат Д.Бэхбатын хул

8.Сэлэнгэ аймгийн Баянгол сумын уугуул аймгийн Алдарт уяач Т.Төрмөнхийн хээр

9. Сэлэнгэ аймгийн Баянгол сумын уугуул аймгийн Алдарт уяач Т.Төрмөнхийн буурал

10.Архангай аймгийн Өндөр-Улаан сумын харьяат Л.Отгонбаатарын хар

11. Архангай аймгийн Төвшрүүлэх сумын уугуул Ц.Буянбаатарын хүрэн халзан

12. Архангай аймгийн Эрдэнэбулган сумын уугуул, МУ-ын Манлай уяач Гончигжавын Мөнхсайханы хүрэн халзан

13.Өвөрхангай аймгийн Тарагт сумын уугуул Б.Наранбатын хээр

14. Хөвсгөл аймгийн Мөрөн сумын харьяат З.Тулгын хүрэн

15.Төв аймгийн Эрдэнэсант сумын уугуул аймгийн Алдарт уяач Н.Мөнхзоригийн зээрд.

16. Дорнод аймгийн Баян-Уул сумын харьяат Б.Эрдэнэбулганы бор

17. Өвөрхангай аймгийн Уянга сумын уугуул МУ-ын Алдарт уяач Б.Даваадоржийн хүрэн

18. Архангай аймгийн Чулуут сумын харьяат Л.Ганзоригийн бор

19.Архангай аймгийн Батцэнгэл сумын харьяат Д.Жавхлангийн хүрэн

20. Өвөрхангай аймгийн Баянгол сумын уугуул, аймгийн Алдарт уяач Тогоомааширын Болдын хээр.