Морин уралдааны шатлал

Морин уралдаан гэхээр Кентаки Дэрби болон Бреедерсийн цомын томоохон тэмцээнүүдээр төсөөлөгсөд цөөнгүй бий. Эдгээр нь Хойд Америк дахь цэвэр үүлдрийн хурдны морьдод зориулсан саадтай ангиллын хамгийн дээд шатны тэмцээнүүд юм. Мэдээж дээд зэрэглэлийн тэмцээнд орохын тулд тухайн морь шатчилан бэлтгэгдсэн байх ёстой. Тиймээс бид тэрхүү шатлалыг хүргэж байна. Магадгүй морь сонирхогчид эрхэм уншигч та бүхэн “Макс” группийн Ерөнхий захирал Д.Ганбаатарын нэгэн адил олон улсын уралдаануудад хүч сорихоор шийдсэн бол танд доорх мэдээлэл илүүдэхгүй.

Битүү морьдын уралдаан

Мэдээж хамгийн анхны шат бол хурд нь танигдаагүй битүү морьдын уралдаан. Тэндээс л ирээдүйн аваргууд тодорно. Энэ шатлалд түрүүлсэн морьд дараагийн шатны уралдаанд оролцох эрхтэй болдог . Хэдийгээр битүү морьдын уралдаан ч гэсэн хэд хэдэн төрөлтэй. Битүү морьдын хамгийн эцсийн шатны тэмцээнийг “онцгой жингийн” хэмээн нэрлэдэг.

Уралдааны дараа хурдан морьдыг зарж болох тэмцээн

Дээд хэлсэн уралдааны дараа тэмцээнд оролцсон морьдыг зарах үйл ажиллагаа явагддаг. Ингэхдээ морь тус бүр санал болгож буй үнэ бүхий туузтай байдаг. Гэхдээ морь худалдан авах хүсэлтээ тэмцээн эхлэхээс өмнө мэдүүлсэн байх ёстой бөгөөд уралдааны дараа өөрийн болгодог аж. Өөрөөр хэлбэл тэмцээний дараа морь нь гэмтсэн, эсвэл бүр  үхсэн байсан ч хуучин эзэнд нь огтын хамааралгүй болдог байна.

Хүлээн зөвшөөрөгдсөн буюу чадварлаг морьдын уралдаан
 
Морь худалдааны дараа дараагийн шатны буюу хүлээн зөвшөөрөгдсөн морьдын уралдаан болдог. Энэ уралдаанд нэлээдгүй өндөр үнэтэй өөрөөр хэлбэл шигшигдсэн морьд уралдах бөгөөд тодорхой нөхцөл шалтгааны улмаас хэд хэдэн төрөлд хуваагддаг. Хүлээн зөвшөөрөгдсөн морьдын тэмцээнээс бусад доод зэрэглэлийн тэмцээнүүдэд хэд хэдэн удаа түрүүлсэн морьдыг ялагч хэмээн тооцохгүй байх нь бий.

Бооцоот уралдаан

Бооцоот уралдаан нь хамгийн дээд зэргийн морьдын уралдаан юм. Энэ шатны уралдаанд оролцож буй морьд нь өндөр үнэтэй жинхэнэ ширүүн өрсөлдөгчид байдаг. Гэхдээ бооцоот уралдаан болгон харилцан адилгүй орон нутгийн чанартай хэдхэн мянган долларын бооцоотой байхад 5 сая долларын бооцоотой цэвэр үүлдрийн морьдын  цомын тэмцээн хүртэл бий.