Янзага хул

Хуваалцах Жиргэх

Тод манлай уяач Гаваагийн Батхүүгийн хөвгүүд болох Б.Ганхөлөг, Б.Ганбат нар алдарт Толин хул, Соёмбо хүрэн азарганы төлүүдийг уяж сойн, уяач аавынхаа удмыг залгуулж буй. Тухайлбал, Б.Ганхөлөгийн АХ-ын 97 жилийн ой, үндэсний их баяр наадмын эрлийз дээд насанд зургаагаар давхисан  хул азарганы эцэг нь Соёмбо хүрэн, эх нь Толин хулын төлийн төл хул гүү. Хул азарганы дүү хул азаргыг түүний дүү Б.Ганбат уяж сойн, наадмын дараа Дорноговь аймагт болсон говийн бүсийн уралдаанд айргийн гуравт давхиулсан билээ. Б.Ганхөлөгийн хул азарганы тухайд өнгөрсөн жил улсын баяр наадамд ялгалтаар хасагдсан учраас энэ жил эрлийзэд мордуулсан аж.  ММСЗУХ-ны тэргүүн дэд Ерөнхийлөгчийн сонгуульт ажилтай Б.Ганхөлөгийн нэртэй хурдан хүлгүүд дөрвөн жилийн өмнөөс улс, бүсэд  хурдлах болсоор тэрээр аймгийн Алдарт уяач цолны болзол хангаад байгаа юм. 

Удам, угшил: Тод манлай уяач Г.Батхүүгийн унаган адуу. 

Эцэг: Соёмбо хүрэн азарга
Эх: Толин хулын төлийн төл хул гүү